Ўзбекистоннинг Афғонистон бўйича махсус вакили Исматулла Иргашев Мозори Шарифда Балх вилояти ҳокими Муҳаммад Юсуф Вафо билан учрашди, деб uz24.uz хабар берди.
Иргашев Тошкент ва Кобул ўртасидаги муносабатлар мустаҳкамланаётганини таъкидлаб, Афғонистон эндиликда минтақавий тинчликка таҳдид солмаслигини билдирди. Шу билан бирга, у давлатларни Афғонистоннинг ички ишларига аралашмасликка чақирди.
Муҳаммад Юсуф Вафо эса икки мамлакат ўртасидаги дўстона алоқалар ҳар икки томон учун ҳам фойдали эканини таъкидлади.
Ўзбекистон ва Афғонистон 2025 йил май ойида қўшма иқтисодий анжуман ўтказишга келишиб олдилар. Ушбу тадбир Балх вилояти орқали савдо ва транзитни ривожлантиришга хизмат қилади.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
