22 март куни United Airlines авиакомпаниясининг Лос-Анжелесдан Шанхайга учаётган рейси ҳавода бурилиб, орқага қайтди. Бунга сабаб — учувчилардан бири ўз паспортини унутиб қолдиргани бўлди, деб хабар берди CNN манбасига таяниб Nova24.uz.
Маълумотларга кўра, самолёт бортида 257 нафар йўловчи ва 13 нафар экипаж аъзоси бўлган. Рейс учганидан икки соат ўтиб, Сан-Франциско шаҳрига қайтиб борди.
"Пилотда паспорт йўқ эди. Биз янги экипажни ташкил қилдик ва мижозларимизни шу куннинг ўзида манзилга етказдик. Йўловчиларга овқатланиш учун ваучерлар ва компенсация тақдим этилди", — деди авиакомпания вакиллари.
Тўрт соатдан сўнг Сан-Францискодан янги экипаж билан рейс қайта учирилди ва Шанхайга тахминан олти соат кечикиб етиб борди.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
