Санкт-Петербург шаҳри яқинидаги Петергоф ҳудудида 30 март куни 21 ёшли ўзбекистонлик йигит номаълум шахслар томонидан ўғирлаб кетилди, деб Uz24.uz хабар берди.
Ҳодиса гувоҳларидан бирининг айтишича, Халтурина кўчасида олти-етти нафар эркак ўзбекистонлик мигрантни калтаклаб, яқин атрофда турган автомашинага мажбуран ўтқазиб олиб кетган. Жабрланувчининг ёнида бўлган таниши ҳам улар билан бирга машинанинг ичига ўтирган. Шундан сўнг, улар воқеа жойидан ғойиб бўлишган.
Бир неча соат ўтиб, жабрланувчининг укаси ҳуқуқни муҳофаза қилувчи органларга мурожаат қилган. Унинг сўзларига кўра, номаълум шахслар телефон орқали боғланиб, акаси қайтарилиши эвазига 40 минг рубл товон пули талаб қилишган.
Ҳозирда ҳуқуқ-тартибот органлари томонидан воқеанинг барча тафсилотлари ўрганилмоқда.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
