Трамп Хитойга 104% бож жорий қилди – Пекин қарши жавоб беришга тайёр

АҚШ президенти Дональд Трамп Хитойдан олиб кириладиган маҳсулотларга 104% бож солиқларини жорий этди. Пекин бунга жавобан “қатъий ва самарали чоралар” кўришини маълум қилди, деб CNN хабар берди.

Хитой Ташқи ишлар вазирлиги расмийси Лин Цзян, “АҚШ томони ҳанузча якка томонлама божлар орқали босим ўтказмоқда. Хитой бундай зўравон ва таҳдидкор сиёсатни ҳеч қачон қабул қилмайди”, – деди.

104% божлар 2024 йилдаги 20% божларга қўшимча бўлиб, Пекиннинг ўз товарларига жавоб тариқасида 34% бож жорий этиш ваъдаси ортидан киритилди.

Хитой ҳозирча расмий жавоб чорасини эълон қилмаган. Аммо расмийлар "Хитой манфаатларига зиён етказилса, биз охиригача курашамиз", деб билдиришди.

Шу билан бирга, Хитой қўшни давлатлар билан ҳамкорликни кучайтириш ва глобал таъминот занжирларини диверсификация қилишга чақирмоқда. «Замин»ни Telegram’да ўқинг!