Туркияда аёлни тасвирга олган ўзбекистонлик депортация қилинди

13 апрель куни Туркияда метроида аёлни рухсатсиз суратга олгани учун Ўзбекистон фуқароси депортация қилинди ва жаримага тортилди, деб nova24.uz хабар берди.

Генконсуллик маълумотига кўра, аёл суратга туширилганини ҳуқуқни муҳофаза қилувчи органларга маълум қилган. Ўзбекистонлик эркак қўлга олинди ва тергов бошланди. Тергов натижасида унинг ишлаш рухсати бекор қилинди ва у шахсий ҳаёт дахлсизлигини бузгани учун юртига мажбурий равишда қайтарилди.

Дастлаб унга нисбатан жиноий жавобгарлик қўлланилиши мумкин эди, лекин Ўзбекистон дипломатлари аралашувидан сўнг жазо енгиллатилиб, фақат маъмурий чора билан чекланилди.

2024 йилдаёқ Истанбулдаги Ўзбекистон бош консулхонаси юртдошларни Туркия қонунларига кўра аёлларни ёки бошқа шахсларни уларнинг розилигисиз суратга олиш қонунбузарлик экани ва жиноий жавобгарликка олиб келиши мумкинлиги ҳақида огоҳлантирган эди.

Туркия Ўзбек фуқароси Депортация Метрода сурат Шахсий ҳаёт Жиноят Янгиликлар