Мальдив ороллари Исроил фуқароларини киритишни тақиқлади

Мальдив ороллари ҳукумати Исроил фуқаролари учун мамлакатга киришни тақиқлади, деб Reuters агентлигига таяниб Korrespondent.net сайти хабар берди.

Президент Муҳаммад Муиззу 16 апрел куни мамлакат иммиграция қонунчилигига тегишли ўзгартишларни имзолади. Ушбу чекловлар Ғазо секторидаги уруш ва Исроил томонидан амалга оширилаётган "геноцид ва золимликлар"га жавоб тариқасида жорий қилинди.

Президентлик девони таъкидлашича, ушбу қарор Мальдив ҳукуматининг палестин халқини ҳимоя қилиш бўйича қатъий позициясини ифодалайди.

Шу билан бирга, Исроил Ташқи ишлар вазирлиги ўз фуқароларига Мальдивга сафар қилмасликни ва оролда бўлиб турганларга мамлакатни тарк этишни тавсия қилди, чунки уларга консуллик ёрдами кўрсатиш имкониятлари чекланган. «Замин»ни Telegram’да ўқинг!