АҚШ Украина бўйича музокаралардан чиқиши мумкин

АҚШ президенти Дональд Трамп Украинадаги можарони тинч йўл билан ҳал этиш бўйича музокаралардан чиқиши мумкин, деб vedomosti.ru хабар берди.

Госдеп раҳбари Марко Рубио 18 апрелда маълум қилишича, агар яқин кунларда келишув имконияти бўйича аниқ белгилар бўлмаса, Вашингтон музокараларда иштирокни тўхтатади. Трамп бу жараёнга кўп сиёсий сармоя киритган, лекин ҳозир АҚШ олдида бошқа муаммолар ҳам бор.

17 апрель куни Рубио Россия ташқи ишлар вазири Сергей Лавров билан суҳбатлашди ва Украина ҳамда Франция билан ўтказилган музокаралар ҳақида маълумот берди. Франция, Германия ва Буюк Британия «Е3» форматида музокараларда иштирок этмоқда.

Украина делегацияси ҳам Парижда «Ихтиёрийлар коалицияси» билан учрашиб, тўлиқ ўт очишни тўхтатишни муҳокама қилди. Шу куни Киев ва Вашингтон Украинада фойдали қазилмаларни қазиб олиш бўйича меморандум имзолади.

Россиялик дипломатлар, жумладан Дмитрий Песков ва Василий Небензя, оловни тўхтатиш реал эмаслигини таъкидлашди. Экспертлар фикрича, АҚШнинг чиқиши эҳтимоли сиёсий босим уюштириш мақсадида айтилмоқда. «Замин»ни Telegram’да ўқинг!