Дубай шоколади писта нархини кескин оширди

Financial Times нашри хабар беришича, Дубай шоколадига бўлган жаҳон миқёсидаги талаб кескин ошгани туфайли фисташка донларига глобал танқислик юзага келди ва бу унинг нархи кескин ошишига олиб келди. Бир йил олдин 1 фунт фисташка ядроси 7,65 доллар бўлган бўлса, ҳозир бу нарх тахминан 10,30 долларгача кўтарилди (тақрибан 130 000 сўмдан 175 000 сўмгача).

CG Hacking компаниясидан Жайлс Хакингнинг таъкидлашича, «фисташкалар дунёси ҳозирда деярли қуриб қолган». АҚШда ўтган йили фисташка етиштиришда муваффақиятсиз мавсум кузатилган, бу эса дунёдаги етакчи экспортчи мамлакат захираларини камайтирди.

АҚШдаги фисташкалар юқори сифатга эга бўлиб, арзон ва поядан ажратилган ядролар кам чиқарилади. Айни шу пайтда бозорда Дубай шоколади пайдо бўлиб, шоколатьелар барча мавжуд фисташка ядроларини харид қилиб кетгани туфайли, бутун дунёда таъминот қисқарди.

Эрон Бош прокуратураси маълумотларига кўра, 2025 йил март ойигача ўтган 6 ойда Эрондан БААга фисташка экспорти 40 фоизга ошган. Бу 2023 йилдаги вазиятга зид ҳолат бўлиб, ўшанда таклиф талабдан ортиқ бўлиб, нархлар пасайганди.