Нидерландия парламенти раиси Бельгияни икки мамлакатга бўлишни таклиф қилди

Нидерландия парламенти раиси ва ўта ўнгдан келган Озодлик партиясининг (PBB) аъзоси Мартин Босма, Франция элчиси Франсуа Алабрюнга Бельгияни икки давлатга бўлишни таклиф этган. Бу ҳақда журналист Петра де Конинг NRC газетасида маълумот тарқатди.

Маълумотга кўра, бу таклиф Нидерландия парламенти аъзолари иштирок этган кечки овқат пайтида билдирилган. Журналистнинг таъкидлашича, Босма ўз сўзларида Нидерландия Фландрияни қироллик таркибига қўшишни исташини айтган.

«Босманинг фикрича, Валлония ҳудуди Францияга қўшилиши мумкин», деб ёзади Конинг.

Bnnvara телеканали таъкидлаганидек, Нидерландия ва Фландриянинг бирлашуви, фламанд тилида сўзлашувчи аҳоли кўп бўлганида, "Буюк Нидерландия" ғоясининг бир қисмидир. Бу ғояни голландиялик ўнглар ва Бельгиянинг «Фламанд манфаати» партиясининг баъзи аъзолари қўллаб-қувватлайди, уларнинг айтишича, бу партия жуда узоқ йиллардан бери мустақиллик учун курашиб келмоқда.

2021 йилда Бельгиянинг Антверпен шаҳри мэри Барт Де Вевер Фландрияни Бельгиядан ажратиш ва уни Нидерландияга қўшиш орзусини билдирган эди. У янги кунни “шимолий ва жанубий Нидерландияда” бирлашган ҳолда кутиб олишни орзу қилганини айтиб ўтган. Бу ерда жанубий Нидерландия деганда, Фландрия билан чегарадош бўлган қироллик назарда тутилган.

Шунингдек, Бельгия ҳозиргача бу таклифга расман жавоб бермади.

Фландрия ёки Бельгиянинг Фламанд минтақаси — Бельгиянинг шимолий қисми бўлиб, у ерда асосан нидерланд тилида сўзлашувчилар яшaydi. Умумий майдони 13 522 км² ни ташкил этади, бу Бельгия ҳудудининг 44,29 фоизига тенг. Фламанд минтақаида асосий расмий тил нидерланд тили бўлиб, француз тилида сўзлашувчи озчилик учун баъзи чекловлар мавжуд. «Замин»ни Telegram’да ўқинг!