Ўзбекистонликлар учун Германияда янги иш имкониятлари

Ўзбекистонликлар Германияда қассоб бўлиб ишлаш имконига эга бўлади, деб NOVA24 xабар берди. Германиянинг The International Placement People компанияси Ўзбекистон Меҳнат миграцияси агентлиги билан ҳамкорликда мазкур иш ўринларини таклиф қилмоқда. Иш ҳақи ойига 1750 евро (тахминан 25 миллион сўм)ни ташкил этади.

Номзодлардан 18 ёшдан 44 ёшгача бўлган жисмонан соғлом эркаклар, камида бир йиллик иш тажрибасига эга, гўшт бўлиш кўникмаларига эга ва A2 даражасидаги немис тили сертификатига эга бўлиш талаб қилинади. Шунингдек, номзоднинг дипломи Германиянинг Anabin тизимида H+ мақомига эга бўлиши керак.

Ариза топшириш учун номзодлар иш жойидан маълумотнома тақдим этиши лозим. Танловдан ўтганлар виза, авиабилет, турар жой ва овқатланиш харажатларини ўз ҳисобидан қоплашлари керак бўлади. Меҳнат миграцияси агентлиги бу харажатларнинг бир қисмини қоплаб беради. Иш берувчи эса аэропортдан турар жойгача бўлган трансферни таъминлайди. Иш ҳафтаси 44 соатни ташкил этади, синов муддати эса 3 ой. Қўшимча равишда, номзод агентликка 4 БҲМ (1,5 миллион сўм) миқдорида комиссия тўлаши керак бўлади. «Замин»ни Telegram’да ўқинг!