АҚШ армияси фақат ўз чегарасини ҳимоя қилади

АҚШ президенти Дональд Трамп Вест-Пойнт ҳарбий академияси битирувчилари олдидаги чиқишида Америка армиясининг янги вазифаларини баён этди, деб DW.com хабар берди.

Унинг таъкидлашича, АҚШ энди демократияни дунё бўйлаб мажбуран тарқатишни тўхтатади. Трампнинг фикрича, армиянинг асосий вазифаси – Американи ҳимоя қилиш, душманни йўқ қилиш ва ҳар қандай таҳдидни бартараф этишдир.

«Биз ўз чегараларимизни ҳимоя қилишга қайтамиз. Армиянинг иши – душман устидан ғалаба қозониш ва Американинг ҳар қандай душманини йўқ қилиш», – деди Трамп.

У шунингдек, армиядаги ижтимоий ислоҳотлар ва чет элдаги урушларга керагидан ортиқ эътибор берилганини танқид қилди. «Трамп маъмурияти даврида бу давр тугади. Биз чалғитувчи ишлардан воз кечамиз», – деди у.

Трамп АҚШ армияси замонавий урушаётган дунёга мослашиши лозимлигини ва бу борада Россия-Украина уруши тажрибаси ўрганилаётганини ҳам таъкидлади. «Замин»ни Telegram’да ўқинг!