96
Қозоғистонда криптовалютадан эркин фойдаланиш мумкин бўлган тажриба ҳудуди — CryptoCity яратилади, деб PROFIT манбасига таяниб Nova24.uz хабар берди.
Лойиҳа мамлакат президенти Қосим-Жомарт Токаев томонидан AIF2025 халқаро форумида эълон қилинди. Президентнинг сўзларига кўра, бу ҳудудда криптовалюта воситасида савдо, хизматлар тўлови ва кундалик эҳтиёжлар қондирилиши мумкин бўлади.
Токаев шунингдек, Марказий Осиёдаги энг кучли суперкомпьютернинг Қозоғистонга етиб келганини ва фаолияти бошланишини ҳам маълум қилди. Мамлакат сунъий интеллект соҳасига алоҳида эътибор қаратаётгани ва академик ҳамда инновацион марказга айланишни мақсад қилганини таъкидлади.
Рақамли ривожланиш, инновациялар ва аэрокосмик саноат вазири Жаслан Мадиевнинг таъкидлашича, CryptoCity учун эҳтимолий жойлар сифатида Алатау смарт шаҳри, Боровое курорти ёки Остонадаги EXPO ҳудуди кўриб чиқилмоқда. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
