940
Техаслик 23 ёшли Энтони Рейес АҚШнинг амалдаги президенти Дональд Трампнинг Флоридадаги Мар-а-Лаго мулкига ноқонуний равишда кириб борди, деб Kursiv Uzbekistan хабар берди. Унинг мақсади президент билан дин ҳақида гаплашиш ва унинг 18 ёшли набираси Кай Мэдисон Трампга уйланиш эди.
Энтони Рейес махсус хизмат агентлари томонидан тўхтатилди. У мулкни ўраб турган тўсиқдан ошганидан сўнг ушланиб, Палм-Бич округи полициясига топширилди.
У ўз қилмишини муҳаббат билан изоҳлаган ва Кай Мэдисонга нисбатан ҳис-туйғуларини билдирган. Кай Мэдисон — Дональд Трамп кичигининг қизларидан бири.
Рейес қамоқда бўлиб турибди ва унга Трамп оила аъзолари билан ҳар қандай алоқа ўрнатиш тақиқланди. NBC телеканали маълумотига кўра, у мулкка ноқонуний кирганини тан олмаган.
Махсус хизмат вакилларининг таъкидлашича, воқеа рўй берган пайтда президентнинг яқин қариндошларидан ҳеч ким мулкда бўлмаган. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
