Трамп Маск билан можаро туфайли Tesla'сини сотмоқчи

Президент Дональд Трамп Tesla компанияси бош директори Илон Маск билан юзага келган оммавий можаро туфайли ўзининг Tesla Model S электромобилини сотиш ёки ҳадя қилишни кўриб чиқмоқда, деб хабар берди auto.mail.ru. Трамп бу автомобилни 2025 йил март ойида Маскни қўллаб-қувватлаш мақсадида сотиб олган эди.

Маск Трампнинг "Катта, гўзал қонун" деб номланган солиқ ва харажатлар тўғрисидаги қонун лойиҳасини танқид қилди. Бу қонун лойиҳаси электромобиллар учун солиқ имтиёзларини қисқартиришни назарда тутади. Жавоб тариқасида Трамп Маскни "ақлдан озган" деб атади ва унинг компанияларига ҳукумат субсидиялари ва шартномаларини бекор қилиш билан таҳдид қилди.

Бу низо Tesla акцияларининг 14% га тушишига ва компаниянинг бозор қийматидан 150 миллиард доллар йўқотишига олиб келди. Трампнинг Tesla'си ҳозирда Оқ уйнинг автотураргоҳида турибди ва у ҳали ҳам сотиш ёки ҳадя қилиш масаласини кўриб чиқмоқда. «Замин»ни Telegram’да ўқинг!