АҚШ ҳукумати Кубадаги Гуантанамо ҳарбий базасида жойлашган қамоқхонага минглаб ноқонуний мигрантларни жойлаштиришни режалаштирмоқда, деб nova24.uz The Washington Post'га таяниб хабар берди.
Маълумотларга кўра, тақрибан 9 000 киши, жумладан Буюк Британия, Франция, Германия, Италия, Ирландия, Бельгия, Нидерландия, Литва, Польша ва Украина каби Европа давлатлари ҳамда Ҳаитидан келган мигрантлар ушбу рўйхатда бор. Улар айни пайтда тиббий кўрикдан ўтказилмоқда.
Бу қарор АҚШ қамоқхоналарининг тўлиб кетиши ва Трампнинг миграция сиёсати кескинлашгани билан боғлиқ бўлиши мумкин. Илгари Трамп 30 000 нафар мигрантни Кубага вақтинча жойлаштириб, кейин депортация қилишни режалаштирган эди.
Шу билан бирга, ушбу фуқаролар юборилаётгани ҳақида АҚШ иттифоқчи давлатларини огоҳлантирмаслиги мумкинлиги таъкидланмоқда. Гуантанамо турмаси 2002 йилда очилган бўлиб, асосан терроризмда гумон қилинганларни сақлаш учун мўлжалланган. У инсон ҳуқуқлари бўйича фаоллар томонидан кўп бор танқид қилинган. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг 
