273
Ўзбекистон Ташқи ишлар вазирлиги маълум қилишича, 12 июнь куни Ҳиндистонда Ахмедабад аэропорти яқинида ҳалок бўлган Boeing 787–8 самолёти бортида Ўзбекистон фуқаролари бўлмаган, деб nova24.uz хабар берди.
Вазирлик ҳалок бўлганларнинг яқинларига чуқур ҳамдардлик изҳор этди. Дастлабки маълумотларга кўра, ҳалокатга учраган самолётда Ўзбекистон фуқаролари бўлмаган.
Президент Шавкат Мирзиёев Ҳиндистон президенти Драупади Мурму ва бош вазир Нарендра Модига тасалли йўллаб, жабрланганларга тез фурсатда шифо тилади.
Хабарларга кўра, Air India авиакомпаниясининг AI171 рейси, Ахмедабаддан Лондонга йўл олаётган самолёт парвоздан сўнг турар жой маҳалласига қулаган. Самолёт бортида тахминан 250 киши, шу жумладан 12 нафар экипаж аъзоси бўлган. Қутқарув ишлари давом этмоқда, ҳалок бўлганлар сони аниқлаштирилмоқда. Ҳозирча айрим тирик қолганлар борлиги маълум қилинган. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
