Хитой ҳокимиятлари янги хакерлик қурилмасини ишга туширди

Хитой ҳокимиятлари мусодара қилинган смартфонларни бузиб кириш ва улардан маълумотларни олиш учун янги ускунадан фойдаланмоқда, деб TechCrunch хабар берди.

TechCrunch маълумотларига кўра, ушбу қурилма орқали Хитой ҳуқуқни муҳофаза қилувчи органлари телефондаги контактлар, хабарлар, расмлар ва бошқа шахсий маълумотларни осонлик билан олишлари мумкин. Ускуна айниқса ҳибсга олинган ва тергов жараёнидаги фуқароларнинг телефонларига нисбатан қўлланилмоқда.

Экспертлар бу технология инсон ҳуқуқлари ва шахсий дахлсизликка жиддий таҳдид солишини таъкидлашмоқда. Маълумотларга кўра, ускуна интернет алоқасисиз ишлайди ва бевосита қурилмага уланади. Шу билан бирга, у нафақат пароллар, балки юз аниқлаш ёки бармоқ изи каби биометрия муҳофазасини ҳам четлаб ўтиш имкониятига эга.