Жанубий Корея Олий суди Samsung Electronics компанияси бошқарув раиси Ли Чжэ Ённи Cheil Industries ва Samsung C&T компаниялари бирлашуви бўйича суд ишида оқлади, деб Kursiv.media хабар берди.
Прокуратура томонидан унга беш йиллик қамоқ жазоси сўралган эди. Ли Чжэ Ёнга фирибгарлик, ҳужжатларни сохталаштириш, ишончни суиистеъмол қилиш ва бошқа жиноятлар билан боғлиқ айбловлар қўйилган эди.
Айбловларга кўра, бу ҳаракатлар 2015 йилда амалга оширилган. Ўша вақтда у компания вице-президенти лавозимида бўлган ва отаси Ли Гон Ҳининг касаллиги туфайли амалдаги раҳбар сифатида фаолият юритган. Расман у 2022 йилда компания бошқарув раиси этиб тайинланган.
Суд қарори эълон қилингач, Samsung акциялари савдо сессияси бошланиши билан 0,6 фоизга ўсди. Компаниянинг келажакдаги муваффақияти асосан яримўтказгичлар ишлаб чиқаришни тиклаш ва сунъий интеллект технологиялари ривожига боғлиқ бўлади. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
