AirAsia X Тошкент–Куала-Лумпур йўналишини очади

AirAsia X 2025 йил 15 октябрдан бошлаб Тошкент ва Куала-Лумпур орасида тўғридан-тўғри рейсларни амалга оширади, деб Kursiv.media портали хабар берди.

Бир томонлама парвоз нархи 2,7 миллион сўмдан (тахминан $199) бошланади, агар чипта 3 августгача брон қилинса. Бунга 7 кг қўл юки киритилган.

Рейслар ҳафтада уч марта: душанба, чоршанба ва жума кунлари амалга оширилади.

Самолёт Тошкентдан 19:30 да учади ва манзилга 6:10 да етиб боради. Қайтиши эса соат 13:25 да бошланиб, 18:15 да тугайди.

Вақт шаҳарлар маҳаллий соатига кўра кўрсатилган.

AirAsia X — 2007 йилда ташкил этилган Малайзиянинг арзон авиакомпанияси бўлиб, Селангорда жойлашган.