Ўзбекистон Республикаси Президенти Шавкат Мирзиёев 17 август куни Россия Президенти Владимир Путин билан телефон орқали мулоқот қилди. Бу ҳақда Ўзбекистон раҳбари матбуот хизмати хабар берди.
Мулоқотда икки мамлакатнинг икки томонлама ва халқаро кун тартибидаги муҳим масалалар муҳокама қилинди. Россия Президенти Путин 15 август куни Анкориж шаҳрида бўлиб ўтган Россия-АҚШ саммитининг асосий натижалари ҳақида маълумот берди.
Шавкат Мирзиёев, Украина атрофидаги вазиятнинг тез фурсатда тартибга солинишини кутишини билдириб, шунингдек, икки мамлакат ўртасидаги савдо-иқтисодий ҳамкорликнинг жадаллашиши ва янги кооператив лойиҳаларни амалга оширишга йўналтирилган ҳаракатларни ҳам кузатиш кераклигини таъкидлади. Шунга қўшимча, барча даражаларда фаол мулоқот ва алмашинувларни давом эттиришнинг аҳамиятига урғу берилди.
15 август куни АҚШнинг Аляска штатида Трамп ва Путиннинг учрашуви бўлиб ўтди. Музокаралар 2 соат 45 дақиқа давом этган бўлиб, иккала раҳбар ҳам Украина масаласида келишувга эришилмаганини таъкидлашди. Путин бу музокараларни самарали деб атаб, Россия Украина билан хавфсизлик масалалари бўйича ишлашга тайёрлигини билдирди.
Шунингдек, 27 июнь куни Ўзбекистон Президенти Шавкат Мирзиёев ва Россия Президенти Владимир Путин Минскдаги Евросиё иқтисодий иттифоқи саммити чоғида учрашган, Украина масаласи муҳокама қилинган. 8 июль куни эса улар телефон орқали яна бир маротаба мулоқот қилишган.
Тўқаев, Путиннинг Анкориждаги учрашувини тарихий саммит сифатида қадрлаб, икки мамлакат раҳбарларининг Украинадаги урушни тўхтатиш бўйича амалий музокаралар олиб боришга тайёр эканини билдирган эди.
«Замин»ни Telegram’да ўқинг!
