Франциялик иштирокчи ЭуроМиллионс Европа лотереясидан тарихий ютуқ қўлга киритди ва мамлакат учун рекорд миқдордаги 250 миллион евро жекпотни ютиб олди. Ушбу сумма лотерея қоидаларида белгиланган энг юқори ютуқ сифатида қайд этилган.
Ғолиб барча еттита рақамни, шу жумладан иккита махсус юлдуз рақамини тўғри топди. Бу унга асосий мукофотни қўлга киритиш имконини берди ва бутун Францияни шок ҳолатига солди. Мамлакатда илгари ҳеч ким шунчалик катта маблағни ютмаган эди.
Бу ғалаба мамлакатдаги рекордни янгилади. 2021-йил октябрда Франция Полинезиясидан бўлган фуқаро 220 миллион евро ютқан бўлса, эндиликда ушбу рекорд 250 миллион евро билан янгиланди. Шу билан бирга, ирландиялик иштирокчи июн ойида ҳам 250 миллион евро билан ЭуроМиллионс тарихида рекорд ўрнатган эди.
ЭуроМиллионс лотереяси 2004 йилнинг 7-февралда ташкил этилган ва илгари фақат Буюк Британия, Франция ва Испания иштирок этган. Кейинчалик Австрия, Белгия, Ирландия, Люксембург, Португалия ва Швейцария ҳам қўшилди. Лотерея қоидалари ғолибларга анонимликни сақлаш имконини беради ва одатда катта ютуқ эгалари бу ҳуқуқдан фойдаланишади.
Бу ҳодиса нафақат лотерея ишқибозларини, балки бутун мамлакат аҳли ва интернет фойдаланувчиларини ҳам қизиқтирди. Кўпчилик бу ғалабани табриклаб, “Франциядаги тарихий ғалаба” деб баҳо бермоқда. ЭуроМиллионс лотереяси мухлислари учун бу яна бир далилки, омад ва эҳтимол ҳар вақт кутилмаган паллада пайдо бўлиши мумкин.
«Замин»ни Telegram’да ўқинг!
