АҚШ Президенти Дональд Трамп Мексика билан чегарадаги деворни қора рангга бўяш бўйича янги ташаббусини эълон қилди. Бу ҳақида АҚШ Ички хавфсизлик вазири Кристи Ноэмга таяниб, “The Hill” хабар берди.
Маълум қилинишича, бу буйруқ бевосита Трамп томонидан берилган ва ишчилар аллақачон деворнинг айрим қисмларини қора ранг билан бўяши ишларини бошлаган. Ноэмнинг сўзларига кўра, президентнинг фикрига кўра қора ранг деворни қуёшда жуда қиздириб юборади ва бу мигрантларнинг деворга чиқиш ҳаракатини пасайтиради.
“Биз бутун чегара деворини қора рангга бўяшни режалаштиряпмиз”, деган вазир ва бундай қадамнинг миграцияга қарши самарали бўлишини таъкидлаган.
Қўшимча маълумотларга кўра, Ноэмнинг ўзи ҳам шахсан чегарага бориб, бўяш ишларини назорат қилиш ва қўллаб-қувватлашда фаол иштирок этган. Унинг ташрифи АҚШ жанубий чегарасида қўлга олишлар сони пасайган бир пайтга тўғри келган.
Нашр таъкидлаганидек, Трамп бу ғояни ўзининг биринчи президентлик муддати даврида ҳам илгари сурган ва у қора рангли девор мигрантлар учун физик ва психологик тўсиқ сифатида хизмат қилади, деб ҳисоблайди.
Ҳаволалар ва кузатувларга кўра, қора девор америкаликлар орасида ҳам турли баҳс-мунозараларга сабаб бўлмоқда. Бир томондан, бу тадбир миграцияни назорат қилиш учун самарали қадам сифатида баҳоланса, бошқа томондан у эстетик ва экология жиҳатидан баҳсли бўлиши мумкин.
Шу билан бирга, Трампнинг бу ташаббуси АҚШ чегара сиёсатининг янги ва мураккаб даврининг белгиси сифатида қаралаётгани ҳам таъкидланмоқда.
«Замин»ни Telegram’да ўқинг!
