IPC — БМТнинг глобал очликни кузатиш тизими — Ғазо шаҳри ва унинг атрофларида расман очарчилик бошланганини маълум қилди, деб Kursiv.media хабар берди.
Таъкидланишича, ҳозирда 514 минг киши ёки аҳолининг тахминан тўртдан бири очарчиликдан азият чекмоқда. Сентябр ойи охирига келиб, ушбу кўрсаткич 641 минг кишига етиши мумкин.
БМТнинг инсонпарварлик ишлари бўйича раҳбари Том Флетчер бу фожиани олдини олиш мумкин бўлганини, аммо Исроил томонидан яратилаётган тизимли тўсиқлар туфайли озиқ-овқат ёрдамлари чегараларда тўхтаб қолаётганини айтди. Исроил эса ушбу ҳисоботни “ёлғон ва тарафкашлик” деб рад этди.
БМТ Бош котиби Антониу Гутерриш Ғазодаги очарчиликни “инсоният учун фожиа” деб атади ва зудлик билан ўт очишни тўхтатиш ҳамда инсонпарварлик ёрдамларини бемалол етказишга чақирди.
Маълумот учун, бу IPC томонидан Африкадан ташқарида қайд этилган биринчи очарчилик бўлиб, вазият Дейр ал-Балаҳ ва Хон Юнус ҳудудларига ҳам ёйилиши мумкин.
«Замин»ни Telegram’да ўқинг!
