Исроилнинг Ғазодаги шифохонага ҳужумида беш нафар журналист ҳалок бўлди

Хан Юнисдаги «Нассер» шифохонасига Исроил томонидан икки бор ҳужум уюштирилиши оқибатида камида 20 киши ҳалок бўлди, шу жумладан беш нафар халқаро журналист. ББCнинг хабарига кўра, қурбонлар орасида тиббиёт ходимлари ҳам бор. Иккинчи зарба, биринчи ҳужумдан кейин жабрланганларга ёрдам бериш учун келган қутқарувчиларга қаратилган. Ҳалок бўлган журналистлар дунёнинг нуфузли нашрлари, жумладан Reuters, AP, Al Jazeera ва Middle East Eye билан ишлаган.

Исроил Бош вазири Бинямин Нетаняҳу воқеани «фожиали тасодиф» деб атаб, кенг кўламли тергов олиб борилаётганини билдирган. БМТ эса Ғазодаги уруш давомида камида 242 журналистнинг ҳалок бўлганини маълум қилди. БМТ Бош котиби Антониу Гутерриш ОАВ ходимларининг ўлимини мустақил тергов қилишга чақирди ва болалар орасида очликдан вафот этганларнинг сони ортиб бораётганига диққат қаратди. 2023 йил октабрдан буён 100 дан ортиқ бола очликдан ҳалок бўлган.

Манба: Kursiv media

Нодирбек Раззоков

«ЗАМИН.УЗ» муҳаррири