Калифорнияда 16 ёшли ўсмир Адам Рейннинг ўз жонига қасд қилиши ортидан унинг ота-онаси OpenAI ва компания раҳбари Сем Альтман устидан судга даъво киритди. Даъвода айтилишича, ChatGPT ўсмир билан ойлар давомида суҳбатлашиб, хавфли усуллар ҳақида батафсил маълумот берган ва ҳатто хайрлашув хатини ёзишда ёрдам таклиф қилган, деб ёзмоқда Курсив медиа сайти.
Ота-оналар компанияни хавфсизликдан кўра фойдани устун қўйганликда айбламоқда. Даъво OpenAI’ни ноҳақ ўлим учун жавобгарликка тортиш, фойдаланувчилар ёшини текшириш ва психологик хавфлар ҳақида огоҳлантириш тизимларини жорий этишга мажбурлашни кўзлайди.
OpenAI эса чуқур ҳамдардлик билдирган ҳолда, ChatGPT’да хавфсизлик чораларини кучайтириш, ота-оналар назорати ва инқирозда ёрдам тармоқларини яратиш устида ишлаётганини маълум қилди.
«Замин»ни Telegram’да ўқинг!
