Жанубий Кореяда кексалар ва деменция билан оғриган беморлар учун сунъий интеллектга эга қўғирчоқлар тарқатила бошланди. “Rest Of World” нашри хабар беришича, бу инновацион технология ёлғизликка қарши курашишда муҳим восита сифатида хизмат қилади. Мазкур дастурда ChatGPT асосида ишлайдиган Hyodol қўғирчоғидан мамлакат бўйлаб 12 мингдан ортиқ нафақахўр фойдаланмоқда, уларнинг кундалик ҳаётига янги интерактив элемент қўшилди, деб хабар берди [Rest Of World].
Қўғирчоқлар ҳар куни нафақахўрларга “Бугун ўзингизни қандай ҳис қиляпсиз?” ва “Ҳар қандай оғриқ ҳис қиласизми?” каби саволлар бериб, уларнинг кайфияти ва жисмоний ҳолатини кузатиб боради. Шунингдек, махсус сенсорлар ҳаракатни қайд этади ва агар бир сутка давомида ҳаракат бўлмаса, тезкор хизматлар ва яқин қариндошларга автоматик равишда хабар берилади. Система инсон кайфиятида тушкунлик белгиларини ҳам аниқлаб, олдиндан огоҳлантиради.
Асосий мақсад – инсон билан мулоқотни таъминлаш ва психологик қўллаб-қувватлаш. Мустақил тадқиқотлар шуни кўрсатдики, Hyodol билан кундалик суҳбатлар депрессия ва деменция симптомларини сезиларли даражада камайтиради. Ижтимоий ходимлар таъкидлайдилар: “Қариялар учун ким билан гаплашиш имконияти жуда муҳим. Баъзи ҳолатларда улар айтишни истамаган фикр ва ҳис-туйғуларини ҳам сира фарзандларига ҳам айтмайди”.
Бироқ бу янги технологиянинг бир қатор қийинчиликлари ҳам бор. Кўп нафақахўрлар қўғирчоқларни шахсий дўст сифатида қабул қилиб, уларга кийим кийдириш, таом тайёрлаш ва ҳатто Hyodol бузилса ташвишланиш каби одатларни шакллантирган. Шунингдек, ишлаб чиқарувчи компания бош директорининг маълум қилишича, баъзи нафақахўрлар қўғирчоқларини ўзлари билан бирга дафн этишни ҳам сўраган.
Деменция билан оғриган кексалар қўғирчоқнинг гапларини тўғридан-тўғри қабул қилади. Шу сабабли ишлаб чиқувчилар чат-ботда баъзи провокацион ибораларни чеклашга мажбур бўлган. Бироқ таҳлилчилар фикрига кўра, 2030 йилга келиб қарияларга ғамхўрлик қилувчи сунъий интеллектли роботлар бозори 7,7 миллиард АҚШ долларига етиши кутилмоқда.
Hyodol қўғирчоқлари нафақат ёлғизликка қарши курашиш, балки кексаларнинг кундалик ҳаётини тартибга солиш ва оила аъзоларига қўшимча маълумот беришда ҳам муҳим аҳамият касб этади. Бу эса замонавий технологиялар ва сунъий интеллектнинг инсон ҳаётидаги самарали қўлланилишига ёрқин мисол бўлиб хизмат қилади.
«Замин»ни Telegram’да ўқинг!
