Туркистон вилоятидаги Қозоғистоннинг "Сайрам-Угам" миллий боғида олиб борилган қидирув-қутқарув ишлари якунланди. Сайёҳлардан бири - Ўзбекистон фуқароси ҳалок бўлди, унинг ҳамроҳи эса омон қолди, деб ёзади "Курсив медиа."
Қидирув ишлари 2 минг метр баландликдаги тоғларда олиб борилди. Қариндошларининг 1 сентябрь куни маълум қилишича, 1996 ва 1997 йилларда туғилган икки йигит 31 август куни Чимкентдан саёҳатга чиққан, шундан сўнг улар алоқага чиқмай қўйган.
Аввалига қутқарувчилар вертолётни жалб қилишга уринган, бироқ ҳаво техникаси хавфли ҳудудга етиб бора олмаган. Шундан сўнг гуруҳ йўлни пиёда давом эттирди. Альпинистлар федерациясининг тажрибали ходимлари ёрдамга чақирилди ва айнан уларнинг ёрдами билан саёҳатчиларга етиб боришга муваффақ бўлинди.
Тирик қолган йигит отдан туширилиб, қариндошларига топширилди. Марҳумнинг жасади алоҳида ажратиб олиниб, полицияга топширилди.
«Замин»ни Telegram’да ўқинг!
