Ҳиндистонда шифокорлар дунё тиббиётида камдан-кам учрайдиган ҳолатга дуч келишди. Nova24.uz ёзишича, Times of India хабар берган маълумотларга кўра, Фортис-Гургаон шифохонасида бир ойлик чақалоқнинг қорнидан икки "паразитик эгизак" хирургик йўл билан олиб ташланган.
Чақалоқ 27 июль куни шошилинч равишда касалхонага ётқизилган. Унинг қорни шишиб кетган, овқатланишда қийинчилик ва безовталик кузатилган. Текширувлар натижасида қорин қафасида ноодатий ўсмага ўхшаш тузилма аниқланган. Кўпроқ таҳлиллар шунчаки ўсма эмас, балки туғилмаган икки ҳомиланинг тана қисми эканини кўрсатди.
Муттахассислар буни «fetus in fetu» — яъни «ҳомила ичида ҳомила» деб аталадиган ҳолат деб таърифлашмоқда. Бу дунёда ҳар 500 минг туғилишдан фақат бирида кузатилади. Бу ҳолатда ҳомиладорликнинг илк босқичларида бир ҳомила иккинчисини ўз танаси ичига тортади ва унда ўсиш имконини йўқотади.
Аниқланишича, она дастлаб уч эгизакка ҳомиладор бўлган, аммо улардан иккитаси биттаси томонидан "йўтилган" ва унинг ичида шаклланган.
Бугунги кунгача бутун дунё бўйлаб шунга ўхшаш 300 дан кам ҳолат қайд этилган, уларнинг ҳам фақат 10% ида бир эмас, икки паразитик ҳомила кузатилган. Бу эса Ҳиндистондаги ушбу воқеани янада ноёб ва ўта камёб ҳолатга айлантиради.
Табиатдаги бу каби сирли ва аҷабланарли ҳодисалар инсон танаси ҳақида яна қанчалар билмаслигимизни эсга солади. Сиз бу ҳақда аввал эшитганмисиз?
«Замин»ни Telegram’да ўқинг!
