16 сентябрь, сешанба куни Исроил Ғазо шаҳрига нисбатан қуролли қуруқлик ҳужумининг асосий босқичини бошлади, деб Kursiv Media хабар берди. Бу ҳақда мамлакат мудофаа вазирлиги маълум қилди.
Исроил армияси (ЦАХАЛ) маълум қилишича, қўшинлар шаҳар маркази томон илгариламоқда. У ерда тахминан 3 минггача ҲАМОС жангариси борлиги айтилмоқда. Мудофаа вазири Исраэль Кацнинг таъкидлашича, ҳужумнинг мақсади — ҲАМОСни йўқ қилиш, террорчилик инфратузилмасини бартараф этиш ва гаровдаги фуқароларни озод қилиш шароитини яратишдир.
Ғазо маъмурияти маълумотларига кўра, ҳужумнинг дастлабки соатларида ҳаво зарбалари оқибатида камида 40 киши ҳалок бўлган, уларнинг кўпчилиги тинч аҳоли вакиллари. Танктлар шаҳар турғунлар жойлашган туманларга кириб борган. Исроил яна бир бор аҳолини ҳудудни тарк этишга чақирди.
БМТ комиссияси бу куннинг ўзида Исроилни Ғазода қирғинчилик ва унга даъват қилганликда айблади. Газо соғлиқни сақлаш вазирлиги маълумотига кўра, бир сутка ичида яна 3 киши очликдан вафот этган — шулардан бири бола. Жами очликдан ўлганлар сони 428 нафарга етди.
«Замин»ни Telegram’да ўқинг!
