Россиялик машҳур боксчи Дмитрий Биволнинг собиқ турмуш ўртоғи Екатерина Бивол спортчи ҳаётидаги шахсий жиҳатлар ҳақида очиқ баёнот берди. Унинг айтишича, никоҳ бузилишига асосий сабаб Биволнинг хиёнатлари бўлган.
«Дмитрий икки марта хиёнат қилганини биламан. У машҳур бўлиб, омма эътиборига тушгач, бундай ҳолатлар кўпайди. Бу эса мени қаттиқ ранжитди. Мен учун хиёнат кечириб бўлмас ҳолат эди. Бир-икки йил қийналдик, вазият оғир кечди ва охир-оқибат ажрашишга қарор қилдик», — деди Екатерина «Пусть говорят» дастури эфирида.
Маълумот учун, жуфтликнинг муносабатлари 2023 йилда расман якунланган эди.
Шуни таъкидлаш жоизки, Дмитрий Бивол спорт оламида улкан обрў қозонган ва кўплаб мухлисларга эга бўлган боксчи ҳисобланади. Бироқ шахсий ҳаётидаги бундай ошкора воқеалар жамоатчилик орасида катта муҳокамаларга сабаб бўлмоқда.
Бу баёнот ортидан жамоатчиликда нафақат спортчининг рингдаги ютуқлари, балки унинг шахсий ҳаёти ҳам қизғин баҳс мавзусига айланди. Биволнинг собиқ турмуш ўртоғининг очиқ билдирувлари унинг шахсий ҳаётидаги мураккабликларини яна бир бор намоён қилди.
«Замин»ни Telegram’да ўқинг!
