Россиянинг Воронеж вилоятида жуда қайғули воқеа рўй берди. 13 ёшли ўсмир самбо машғулоти пайтида юраги уришдан тўхтагани сабабли вафот этди. Бу ҳақда расмий маълумот Воронеж вилояти Соғлиқни сақлаш вазирлигининг телеграм орқали эълон қилинган хабарномасида баён этилди.
Маълумотга кўра, 17 сентябрь куни Острогожск туманида жойлашган “Северная арена” спорт мажмуасида самбо машғулоти ўтказилаётган вақтда ўсмирнинг ҳолати кескин ёмонлашган. Жавобгар мураббийлар ва иштирокчилар дарҳол тез тиббий ёрдам чақиришган. Хабарда таъкидланишича, йигит икки йилдан ортиқ давр мобайнида ушбу спорт тўгарагида мунтазам шуғулланиб келган ва бунга расмий тиббий рухсатномага ҳам эга бўлган. Шунингдек, у ўзини ёмон ҳис қила бошлаганида оғир жисмоний машқларни бажараётмагани қайд этилган.
Ҳодиса соат тахминан 17:40 ларда содир бўлган. Ўша пайтда юрак фаолияти тўхтаб қолган ва шундан кейин 30 йиллик тажрибага эга бўлган юқори малакали шифокор-реаниматолог, бўлим мудири шахсан ўзи жонлантириш амалиётини бошлаб берган. Ўсмирга сунъий нафас бериш, юракка билвосита массаж қилиш ҳамда дефибрилляция каби стандарт тиббий усуллар қўлланилган.
Бир соатга яқин давом этган барча эҳтимолий чоралар кўрилганига қарамай, соат 18:10 га келиб ҳаёт учун кураш натижа бермаган. Бу хабар юракларни титратди, ота-она ва яқинлари учун ўчмас изтироб қолдирди.
Воронеж вилояти Соғлиқни сақлаш вазирлиги расмий баёнотида тиббиёт муассасаси раҳбарияти марҳумнинг оила аъзоларига чуқур ҳамдардлик билдирган. Шу билан бирга, ҳодиса юзасидан ҳуқуқни муҳофаза қилувчи органлар билан ҳамкорликда текширув бошлангани маълум қилинди. Муассаса барча зарур ҳужжат ва маълумотларни тақдим этишга тайёрлигини билдирган.
«Замин»ни Telegram’да ўқинг!
