"Дунёнинг нуфузли яҳудийлари" рўйхати эълон қилинди

The Jerusalem Post анъанавий тарзда «жаҳондаги энг нуфузли 50 яҳудий» рўйхатини тақдим этди.

Унда сиёсат, бизнес ва маданият вакиллари жамланган. Энг кутилмаган исмлардан бири сифатида Россия бош вазири Михаил Мишустин ҳам киритилди.

Янгиланган рейтингнинг биринчи ўрнини Исроил бош вазири Бинямин Нетаняҳу эгаллади.

Иккинчи ўринда — АҚШ президентининг махсус вакили Стивен Уиткофф, учинчи поғонада эса Исроил махсус хизмати «Моссад» раҳбари Давид Барнеа жойлашди.

Кучли ўнликдан Оқ уй маслаҳатчилари Стивен Миллер ва Адам Боэлер, АҚШ савдо вазири Ҳовард Латник ҳамда Google ҳаммуассиси Сергей Брин ўрин олган.

Михаил Мишустин илк бор мазкур рейтингга киритилиб, 18-ўринни эгаллади.

Сэм Алтман ва Марк Цукерберг 33-поғонадан жой олган, Украина президенти Владимир Зеленский эса бу сафар рўйхатдан ўрин олмади.

Таъкидланишича, бугунги глобал жараёнлар ҳам маълум маънода мазкур рейтингда ўз аксини топган.

Чарос Заркараева

«ЗАМИН.УЗ» муҳаррири