Япония ҳукумати яқин йилларда мактаблардаги анъанавий қоғоз дарсликлардан бутунлай воз кечиш ва таълим жараёнини тўлиқ рақамлаштиришни мақсад қилмоқда. 24 сентябрь куни эълон қилинган қарорга кўра, 2030 молиявий йилдан бошлаб давлат бошланғич мактабларида дарсликлар фақат рақамли шаклда қўлланилади. Бу ҳақда “Kyodo News” хабар берди.
Япон таълим вазирлиги ишчи гуруҳи томонидан тасдиқланган ўзгартириш маҳаллий таълим кенгашларига фақат рақамли дарсликларни қабул қилиш, уларни қоғоз дарсликлар билан қўшиб қўллаш ёки анъанавий қоғоз дарсликларга орқали “ёпишиб олиш” имкониятларини бериши кўзда тутилган.
Таълим бўйича Марказий Кенгашнинг фикрига кўра, бу ҳаракат талабалар учун дарслик танлаш имкониятини кенгайтириб, жамиятнинг тобора рақамлашган табиатига мос келадиган ўрганишни осонлаштиради ва янги, интерактив ва ижодий таълим усулларини яратишга ёрдам беради. Шу билан бирга, айрим экспертлар рақамли дарсликлардан фойдаланиш ўқитувчилар ва нашриётчиларга қўшимча юк солиши ҳамда ўқувчиларнинг кўриш қобилияти ва соғлиғига салбий таъсир кўрсатиши мумкинлигидан хавотир билдирди.
Янги тизимда дарсликлардаги QR-кодлар орқали рақамли дарслик ва ўқув қўлланмаларига кириш имкони бўлади. Ишчи гуруҳ контент сифатини таъминлаш ва ҳар бир фан учун махсус кўрсатмалар тайёрлашга ҳаракат қилади. Вазирлик синфларда рақамли материаллардан самарали фойдаланиш бўйича йўриқномалар ва қўлланмаларни яратишни режалаштирмоқда.
Японияда рақамли дарсликлар аллақачон қўлланиб келмоқда, лекин улар “муқобил ўқув қўлланмалари” сифатида қаралиб, ҳукуматнинг алоҳида рухсатини талаб қилмайди. Янги тизим эса анъанавий дарсликлардан тўлиқ рақамли трансформацияга қадам қўйиш ва таълим жараёнини инновацион усулларда ривожлантиришга хизмат қилади.
«Замин»ни Telegram’да ўқинг!
