Reddit портали фойдаланувчилари дунёдаги энг ортиқча баҳоланган, яъни ортиқча шов-шувга эга ва кўпчиликка “зероикарли” деб ҳисобланган шаҳарларни санаб ўтди. Бу саволга берилган кўплаб изоҳларда Дубай алоҳида эътироф этилди. Фойдаланувчилар фикрига кўра, Дубай сунъий, моддиятпараст ва шахсияциз жой бўлиб, ўзига хос маданий ёки тарихий гўзалликка эга эмас. Бир киши: “Бу ер сайёрадаги энг зерикарли ва қиммат шаҳар. Дубай дунёнинг охири эмас, лекин у ердан дунёнинг охирини кўриш мумкин”, деб ёзди.
Иккинчи энг кўп тилга олинган вариант Лас-Вегас бўлди. Портал фойдаланувчилари таъкидлаганидек, у ерда шовқин, тартибсизлик ва қимматчилик ҳукм суради. Илгари бу ҳолатга одатланиш мумкин эди, аммо ҳозирда шаҳар жуда қимматга айланди.
Шунингдек, бошқа кўп учраган номлар орасида Америка шаҳарлари – Лос-Анжелес ва Майами, Мексиканинг Канкун шаҳри, Миср пойтахти Қоҳира, Ирландиянинг Дублин ва Франция пойтахти Париж ҳам бор. Портал фойдаланувчилари фикрига кўра, Париж ҳам баъзи ҳолатларда ҳаддан ташқари ифлос ва қиммат шаҳар сифатида баҳоланиши мумкин. Бир киши ўз изоҳида: “Буни айтиш ноқулайроқ, аммо Париж шунга ўхшайди”, деди.
Ушбу рўйхат интернет фойдаланувчилари орасида шаҳарларга бўлган қарашни янада қизиқарли ва баҳсли қилиб қўйди, шунингдек дунёдаги туристик ва моддий қадриятлар ҳақида фикрлар алмашишга сабаб бўлди.
“Zamin”ни Telegram'да ўқинг!
