АҚШлик аёл Линн Уайт судда ўзини мустақил ҳимоя қилиб, ChatGPT ва Perplexity ёрдамида ишни ютди, деб ёзмоқда NBC News нашри.
Линн Лос-Анжелесда трейлер-паркдаги уйини ижарага олиб яшаган, аммо тўловни кечиктириб юборган. Маҳаллий қонунларга кўра, ижара тўловини 12 ойгача кечиктириш мумкин эди, бироқ уни ҳимоя қилган адвокат ишни ютқазган.
Шундан сўнг, Линн апелляция беришга қарор қилиб, ChatGPT’дан ёрдам сўради. У барча суд ҳужжатларини чат-ботга юклаб, ишда процессуал хатоларни топишга муваффақ бўлди. Кейин Perplexity Pro орқали керакли қонунларни ўрганиб чиқди ва ўз ҳимоясини кучайтирди.
Натижада суд Линн фойдасига қарор чиқарди — уни уйидан чиқариш ҳақидаги огоҳлантириш бекор қилинди, у 55 минг долларлик жаримадан ҳамда 18 минг долларлик ижара қарзидан халос бўлди.
Энг асосийси, Линн адвокатларга кетадиган 73 минг доллардан ортиқ харажатни тежаб қолди.
Мутахассислар эса шундай дейди:
“Адолатни таъминлаётган ҳали ҳам одамлар, сунъий интеллект эмас.”
“Zamin”ни Telegram'да ўқинг!
