Россия кечаси Кйивга ракета ва дрон билан ҳужум қилди. Натижада пойтахтнинг катта қисмида электр таъминоти узилди, тўққиз киши жароҳат олди. Айрим туманларда сув ҳам вақтинча ўчди.
Запорижжя вилоятида дрон зарбаси оқибатида етти ёшли бола ҳалок бўлди, уч киши жароҳатланди. Вилоят раҳбарининг айтишича, шаҳарга кучли ҳужумлар уюштирилган.
Сўнгги ҳафталарда Россия Украина энергетика объектларига зарбаларни кучайтирмоқда. Президент Володимир Зеленский Ғарб давлатларини ҳаво мудофааси тизимларини тезда етказиб беришга чақирди.
Энергетика вазирлиги хабарига кўра, таъмирлаш ишлари давом этмоқда. Кйивда уй-жойлар ва энергетика иншоотларига зарар етган.
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
