Хитойда блогерлар фаолиятини тартибга солувчи янги қонун кучга кирди.
25 октябрдан бошлаб тиббиёт, ҳуқуқ, таълим ва молия каби мутахассислик талаб қиладиган соҳаларда контент яратадиган блоггерлар учун расмий малака ҳужжатларини тақдим этиш мажбурий бўлди. Яъни эндиликда улар тегишли диплом, лицензия ёки сертификатга эга бўлишлари шарт.
Кибермакон маъмурияти (CAC) томонидан қабул қилинган бу тартиб Douyin, Bilibili ва Weibo каби оммавий платформаларда амалга жорий этилди. Шу билан бирга, блоггерлар ўз контентида фойдаланган тадқиқот ва манбаларни ҳам аниқ кўрсатишлари керак бўлади.
Расмийлар бундай чора онлайн дезинформация ва сохта маслаҳатлар тарқалишининг олдини олишга қаратилганини таъкидламоқда. Аммо танқидчилар фикрича, янги талаблар ижодкорлик ва сўз эркинлигига жиддий таъсир кўрсатиши мумкин.
Мутахассислар бу ислоҳотни Хитойнинг интернет майдонидаги “ишончли маълумот сиёсати”нинг янги босқичи сифатида баҳоламоқда.
“Zamin”ни Telegram'да ўқинг!
