Малдив оролларида соғлом келажакни таъминлашга қаратилган янги тамаки чеклови кучга кирди, деб хабар берди Соғлиқни сақлаш вазирлиги.
1 ноябрдан бошлаб 2007 йил 1 январдан кейин туғилган ҳар қандай шахс — маҳаллий фуқаро ёки сайёҳ бўлишидан қатъи назар — энди тамаки маҳсулотларини сотиб олиш, сотиш ёки чекиш ҳуқуқига эга эмас.
Вазирликнинг маълум қилишича, қоида ҳамма учун бир хил татбиқ этилади, ҳеч кимга истисно йўқ. Бу орқали келажакда чекишдан холи, соғлом авлодни шакллантириш мақсад қилинган.
Қонунга мувофиқ, тамаки маҳсулотини ёшларга сотганларга 50 минг руфий миқдорида жарима солинади. Шунингдек, электрон сигареталарни ноқонуний ишлатганлар 5 минг руфий жарима тўлайди.
Маълумки, “чекишсиз авлод” ғоясини илк бор Янги Зеландия амалга оширган эди, аммо кейинчалик ҳукумат ўзгариши орқали бу чеклов бекор қилинган. Ҳозирда ўхшаш ташаббус Буюк Британияда ҳам муҳокама қилинмоқда.
Мутахассислар бундай сиёсатни жамият соғлиғига инвестиция сифатида баҳоламоқда.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
