AI технологияларидан катта натижа кутган компаниялар бугунги кунда олдин ишдан бўшатилган ходимларни қайтадан ишга жалб қилмоқда, деб TechSpot хабар берди.
Visier таҳлил маркази дунё бўйлаб 2,4 миллион ишчи маълумотларини ўрганиб, айрим корхоналар қайта ишга олишни бошлаганини аниқлади. Ишдан бўшатилганларнинг тахминан 5,3% ўз жойига қайтган.
Бу ҳолат AI ҳали кутилган даражада иш ўринларини тўлиқ эгалламаганини кўрсатмоқда. Одатда автоматизация фақат вазифанинг бир қисмини автоматлаштиради.
AI’ни жорий этиш кутилганидек осон эмас. Ҳар бир AI тизимига инфратузилма, хавфсизлик ва маълумотлар учун катта сарф талаб этилади. Ҳисоб-китоблар хато бўлиб, бошқа мутахассисларни қайта ишга олишга мажбур қилади.
MIT тадқиқотларига кўра, компанияларнинг 95% AI сармоясидан аниқ молиявий фойда кўрмаган. Интерактив брокерлар стратегиячиси Стив Сосник бу сарфлар оқилона эмаслигини айтган.
Шунингдек, Orgvue маълумотларига кўра, ишдан бўшатишлар ҳар 1 доллар тежамга нисбатан 1,27 доллар харажат талаб этади. Буга компенсация, суғурта ва бошқа харажатлар киради.
“Zamin”ни Telegram'да ўқинг!
