Хитой шимоли-шарқидаги Lyaonin провинциясида мамлакат тарихидаги энг йирик олтин кони топилди, деб хабар берди Хитой Табиий ресурслар вазирлиги ўзининг WeChat саҳифасида.
Геологлар аниқлашича, Dadonggou номли коннинг олтин заҳираси 1440 тоннага тенг. Бу миқдор Хитойдаги илгари маълум бўлган конлардан анча катта бўлиб, мамлакатнинг олтин қазиб олиш салоҳиятини янги босқичга олиб чиқади.
Маълумотларга кўра, кон таркибидаги олтин концентрасияси ҳар бир тонна руда учун 0,56 граммни ташкил қилади. Руда танаси 3100 метр узунликда, 115 метрдан 913 метргача чуқурликда жойлашган. Унинг ўртача қалинлиги 263 метр, максимал қалинлиги эса 513 метрга етади.
Вазирлик баёнотида қайд этилишича, бу лойиҳа Хитойнинг стратегик олтин заҳираларини оширади ва Lyaonin провинциясида жаҳон даражасидаги олтин қазиб олиш марказини шакллантиришда муҳим рол ўйнайди.
Меҳмон гуруҳидаги фойдаланувчилар ушбу мақолага изоҳ қолдира олмайди.
