Австралиянинг Иқтисодиёт ва тинчлик институти эълон қилган 2025 йилги “Глобал терроризм индекси”га кўра, Ўзбекистон жаҳондаги энг хавфсиз давлатлар қаторидан ўрин олди. Мамлакат террорчилик хавфи бўйича 90-поғонада қайд этилгани, хавфсизлик даражасида эса қатор ривожланган давлатларни ортда қолдиргани айтиилди.
Ҳисоботда қайд этилишича, Ўзбекистон АҚШ, Канада, Буюк Британия, Франция, Германия, Испания, шунингдек Россия, Хитой, Тожикистон, БАА ва Туркиядан хавфсизроқ деб баҳоланган. Туркманистон, Қозоғистон ва Қирғизистон 100-ўрин атрофидан жой олган.
Ҳисобот дунёдаги вазиятнинг ёмонлашаётганини ҳам кўрсатган. Террорчилик ҳужумлари қайд этилган давлатлар сони бир йилда 58 тадан 66 тага кўтарилган. Ғарб мамлакатларида эса ҳужумлар 63 фоизга ошган — Швеция, Австралия, Финляндия, Нидерландия, Дания ва Швейцарияда сўнгги беш йилда илк бор терактлар содир этилган.
Европада энг қизғин вазият Германияда кузатилган — Магдебург ярмаркасидаги ҳужум ортидан мамлакат 27-поғонага тушиб қолган. Инглизчалик айтганда, “high-risk zone”га айланган.
Энг хавфли ўнликда эса Буркина Фасо, Покистон, Сурия ва Исроил каби давлатлар жойлашган.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
