Коинотга навбатдаги парвоз: “Союз” экибажи йўлга чиқди

Россия бугун, 27 ноябрь куни, Қозоғистондаги Байқўнғир космодромидан “Союз МС-28” космик кемасини муваффақиятли старт олдирди. “Союз 2.1а” ракета-носускани Тошкент вақти билан 14:28 да учирилгани ҳақида “Спутник Казахстан” хабар берди.

Кема бортида икки россиялик космонавт — тажрибали қўмондон Сергей Куд-Сверчков ва илк бор коинотга йўл олаётган Сергей Микаев, шунингдек, NASA вакили Кристофер Уилямс жой олган.

Режага кўра, “Союз” Ер орбитасида икки марта айлангач, Халқаро космик станциянинг “Рассвет” модули билан автоматик тарзда туташади. Экипаж ХКСда саккиз ой давомида илмий ишлар олиб боради.

Уларнинг Ерга қайтиши 2026 йил июль ойи охирига белгиланган.

Kamola Shuhratova

«ZAMIN.UZ» муҳаррири