Украина Молия вазирлиги маълумотига кўра, шанба тонги ракеталар ва дронлар билан амалга оширилган ҳужумлар Киев ҳамда Киев вилояти, Чернигов, Сум, Полтава ва Харьков вилоятларидаги энергетика инфратузилмасига жиддий зарар етказди.
Пойтахт Киевда 500 мингдан ортиқ, Киев вилоятида 100 мингдан зиёд, Харьков вилоятида эса 8 мингга яқин истеъмолчи электр таъминотисиз қолган.
Барча ҳудудларда соатма-соат чекловлар жорий қилинган. Саноат ва бизнес субъектлари учун ҳам қувват тақсимоти бўйича чекловлар амал қилмоқда.
Энергетик компания ДТЭК маълумотига кўра, Киевнинг Оболон, Соломенка, Шевченко, Подол, Голосеев ва Святошин туманларида аҳоли электрсиз қолган. Россия ҳужум юзасидан расмий изоҳ бермаган.
Бу орада Россиянинг Курск вилояти губернатори Александр Хинштейн Украинанинг зарбаси оқибатида Рыльск туманидаги энергетика иншоотлари зарарланганини ва 600 киши электрсиз қолганини маълум қилди.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
