“International Living” нашрининг йиллик глобал нафақа индексига кўра, 2026 йилда дунёда нафақахўрлар учун энг мақбул маскан — минглаб ороллари ва мусаффо иқлими билан машҳур Греция деб эътироф этилди.
Тадқиқотга кўра, замонавий одамларнинг ўртача умр давомийлиги сўнгги ўн йилларда кескин ошгани боис, кўп нафақахўрлар ҳаётининг охирги қисмини чет элда ўтказишни афзал кўрмоқда. Ана шу тенденцияни ҳисобга олган ҳолда индекс яшаш харажатлари, тиббий хизмат сифати, уй-жой бозори, виза тартиблари, иқлим ва маҳаллий жамиятга мослашиш осонлиги каби мезонларга таянилган ҳолда шакллантирилди.
Греция ушбу мезонларнинг деярли барчасида юқори баҳоланди. Мамлакат нафақахўрлар учун қўлай, харajat жиҳатдан тежамкор ва тинч ҳаёт тарзини, шунингдек, резидентлик учун қулай имкониятларни таклиф этади. Жумладан, “Олтин виза” дастури орқали хорижликлар 250 минг евро инвестиция эвазига яшаш рухсатномаси олиши мумкин.
Мазкур рейтингда аввал йиллар давомида етакчи бўлиб келган Португалия ва Испания бу сафар пастроқ ўрин эгаллади — визалардаги чекловлар ва яшаш харажатининг ўсиши сабаб. Рўйхатда Италия, Малайзия ва Франция каби давлатлар ҳам бор.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
