Туркиялик танилган хонанда Гул Тутнинг фожеавий ўлими юзасидан олиб борилаётган тергов янги бурилиш олди: унинг қизи Туғян Улкем Гултер “қасддан одам ўлдириш” айблови билан ҳибсга олинди. Бу ҳақда “Akdeniz Gercek” нашри маълум қилди.
Маълумотларга кўра, Гуллу тахаллуси билан тинилган санъаткор Ялова вилоятининг Чинаржик туманидаги уйи балконидан номаълум шароитда йиқилиб, ҳаётдан кўз юмган эди. Тергов жараёнида Гултер билан бирга воқеа куни хонада бўлган унинг дўсти Султан Нур ўғли ҳам сўроқ қилинган.
Прокуратура олдида берган кўрсатмаларидан сўнг, Гултерга расмий айб эълон қилинди ва у ҳибсга олинди. Султан Нур ўғли эса уй қамоғига юборилди. Илгари ушланган яна уч киши прокуратурадаги сўроқдан сўнг озод қилинган.
Тиббий кўрик учун шифохонага олиб борилган Гултер, бинода уни кутаётган норозилар гуруҳи сабаб тезлик билан Адлияга етказилган. Ялова суд саройи олдида тўпланганлар унинг манзилига қарши шиорлар айтиб, норозилик билдирган.
Эслатиб ўтамиз, хонанда Гул Тут 26 сентябрь куни 6 қаватли уй террасасидаги деразадан йиқилиб, ҳалок бўлган. Маросим Истанбулда ўтказилган.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
