Хитой 2020 йилгача 50 млн та иш ўрни яратмоқчи

  • 07 февраль 2017, 21:42
  • 4 785
  • Дунё
  • Хитой 2020 йилгача 50 млн та иш ўрни яратмоқчи

    Хитой 2020 йилга қадар шаҳар аҳолиси учун 50 млн та иш ўрни яратмоқчи. Бу ҳақда Хитой давлат кенгаши томонидан чоп этилган 2016-2020 йилларга мўлжалланган "Бандликни рағбатлантириш режаси"да айтилган, деб ёзвади Кун нашри.

    Таъкидланишича, Хитой ҳукумати шаҳардаги ишсизлик даражасини 2020 йилгача 5 фоиз даражасида сақлаб қолмоқчи.

    2016 йилда Хитойда 13,14 млн та янги иш ўрни яратилган, бироқ истиқболда меҳнат бозори ўсиши суръатлари секинлашиб, ўртача йиллик кўрсаткич 12,5 млн иш ўрнини ташкил қилади. Таъкидланишича, меҳнат бозори ҳар йили олий таълим муассасаларининг 8 млн битирувчиси ва кўмир, цемент ва пўлат қуйиш саноатларидан бўшатилган 1 млн ишчи билан тўлиб боради.

    2021 йилгача Хитойда пенсияга йилига 4,8 млн кишидан кетиши сабабли ёш мутахассислар иш ўринлари етишмовчилигини сезмайдилар.

    Бундан ташқари, 2020 йилгача Хитойда нафақат меҳнат бозори кенгаяди, балки аҳоли сони ҳам ошиб боради. Хитой соғлиқни сақлаш ва режали бола кўриш ишлари бўйича давлат қўмитасининг таъкидлашича, 2020 йилгача Хитойнинг аҳолиси 1,37 млрд дан 1,42 млрд кишигача, яъни 50 млн кишига ошади. 2050 йилга келиб Хитойнинг ҳар учинчи фуқароси эса пенсионер бўлади.

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » Хитой 2020 йилгача 50 млн та иш ўрни яратмоқчи