Япония ҳукумати чет элликлар учун фуқаролик олиш талабларини кучайтиришни режалаштирмоқда. Энди аввалги беш йил ўрнига, мамлакатда яшаш муддати ўн йилга оширилади ва фуқаролик олиш учун япон тилини билиш мажбурий қилинади. Бу ўзгаришлар 2026-йилдан кучга кириши кутилмоқда.
Фуқаролик беришда шахснинг намунали хулқ-атвори, 18 ёшдан катта бўлиши ва барқарор даромад манбаи ҳисобга олинади. Шунингдек, давлат органларига якуний қарорни қабул қилишда кенг ваколатлар берилади. Айрим истиснолар, масалан, спортчилар ва доимий резидентлар учун соддалаштирилган тартиблар кўзда тутилган.
Ниппон Ишин ва Сансеито партиялари янги қоидаларни янада қаттиқлаштиришни, хорижлик резидентлар сонини чеклаш ва фуқароликни маҳрум қилиш механизмини жорий этишни таклиф қилмоқда.
2024-йилда Япония ҳукумати фуқаролик учун 12 248 та ариза қабул қилган, шундан 8 863 таси қаноатлантирилган. Сўнгги ўн йил ичида хорижликлар сони 2,23 миллиондан 3,95 миллионга ошди. Танқидчилар ишчи кучи етишмовчилиги даврида бу чораларни миграция учун янги тўсиқ сифатида баҳоламоқда.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
