Кечаси Россия томонидан Киев ва унинг атрофидаги ҳудудларга уюштирилган ҳаво ҳужуми натижасида икки киши ҳалок бўлди, дея хабар берди Украина расмийлари. 2026-йил Киевда Россия зарбалари оқибатида ҳалок бўлган биринчи фуқаролар бўлди.
Украина Фавқулодда вазиятлар хизмати хабарига кўра, зарба натижасида Киевнинг шимолий қисмидаги Оболонский туманида жойлашган шифохона ёнғинга учради. Ёнғин ўчирилгач, шифохона ичидан бир жасад топилди.
Шунингдек, бир аёл жароҳат олган ва 25 киши эвакуация қилинган. Россия зарбаси Киев вилоятидаги шаҳар ва қишлоқларга ҳам етиб, уйларга ва муҳим инфратузилмага зарар етказди. Фастив туманида эса яна бир фуқаро ҳалок бўлди. Ҳудуднинг айрим қисмлари электрсиз қолди.
Россия сўнгги тўрт йил давомида Киев ва бошқа украин шаҳарларини ракета ва дронлар ёрдамида такрорий равишда нишонга олган. Москва ўз зарбаларини ҳарбий объектлар деб атаса-да, Украина расмийлари кўпинча фуқаролар ва фуқаролик инфратузилмаси ҳам зарарга учраётганини билдиради.
