Рамзан Қодиров ўғли Адам Қодировни автоҳалокатга учрагани ҳақидаги хабарни рад этди
Ramзан Қодиров ўғли, Чеченистон Хавфсизлик кенгаши котиби Адам Қодиров иштирок этгани айтилган йўл-транспорт ҳодисаси ҳақидаги хабарларни асоссиз ва “сохта ташвиқот” деб атади. У бу ҳақда 9 феврал куни республика прокурори Арсан Адаев билан учрашувда маълум қилди. Қодиров сунъий интеллект орқали сохта видеолар ва ахборотлар тарқатиш мумкинлигини таъкидлаб, мамлакат бўйлаб 128 мингта йўл-транспорт ҳодисасида 13 минг 9 нафар одам ҳалок бўлганини айтди.
Чеченистон раҳбари Рамзан Қодиров ўғли — минтақа Хавфсизлик кенгаши котиби Адам Қодиров иштирок этгани айтилган йўл-транспорт ҳодисаси ҳақида тарқалган хабарларни асоссиз ва “сохта ташвиқот” деб баҳолади.
Бу ҳақда у 9 февраль куни республика прокурори Арсан Адаев билан бўлиб ўтган учрашув чоғида маълум қилди.
Қодировнинг таъкидлашича, бугун сунъий интеллект орқали исталган шахсни турли сохта видеолар ёки ахборотлар билан алдаш мумкин.
«Мамлакат бўйлаб 128 мингта йўл-транспорт ҳодисаси содир бўлган, 13 минг 9 нафар одам ҳалок бўлган. Аммо бу ҳолатлар деярли муҳокама қилинмайди. Номаълум манбалардан пайдо бўлган, Қодировнинг ўғли иштирок этгани айтилган авария ҳақидаги хабар эса бир зумда жаҳон янгиликларининг биринчи саҳифасига чиқиб кетди», — деди у.
Шунингдек, Рамзан Қодиров республика ҳудудида интернет маконида содир этилаётган жиноятларга қарши курашиш чораларини кучайтириш режалаштирилаётганини ҳам маълум қилди.
Унинг сўзларига кўра, сохта ахборотларга қарши кураш масаласи алоҳида аҳамиятга эга бўлиб, бу мавзу бутун мамлакат учун долзарб саналади. Бироқ Чеченистонга оид ишончсиз хабарлар негадир доим оммавий ахборот воситаларида катта шов-шувга сабаб бўлаётгани ҳам таъкидланди.
Изоҳлар 0
…