Эронда Трамп ва Нетаняхунинг “дорга осилгани” акс этган видео тармоқларда баҳсларга сабаб бўлмоқда (видео)
Эронда ўтказилган митинг вақтида АҚШ президенти Доналд Трамп ва Исроил бош вазири Бинямин Нетаняхунинг дорга осилган макетлари намойиш қилинди. Воқеа акс этган видеолар ижтимоий тармоқларда тарқалиб, кенг муҳокамаларга сабаб бўлмоқда.
Тарқалган видеоларга кўра, 23 август куни Теҳрондаги Инқилоб майдонида ўтказилган митингда Трамп ва Нетаняхунинг тасвирлари ёки макетлари дорга осилган.
Ушбу акция сиёсий норозилик рамзи сифатида намойиш этилгани айтилмоқда.
Видеоларда оломон орасида АҚШ ва Исроилга қарши шиорлар янграётгани, макетлар эса митинг иштирокчиларининг эътиборини тортгани кўринади. Макетларнинг намойиш этилгани акс этган лавҳалар интернетда тез тарқалди. Фойдаланувчилар воқеага турлича муносабат билдирмоқда.
Изоҳлар 0
…